Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
İnteryerdə məkanı vizual olaraq kiçildən 5 səhv
Kiçik otaqlarda interyerin düzgün planlaşdırılmaması məkanı olduğundan da dar göstərə bilər.
Qaynarinfo xəbər verir ki, "Better Homes & Gardens" nəşrinin yazdığına görə, dizaynerlər məkan hissini qorumaq üçün ən çox rast gəlinən səhvləri və onların həll yollarını açıqlayıblar.
Mütəxəssislərin fikrincə, otağın kiçik görünməsinə təkcə sahə deyil, həm də mebel seçimi, rənglər, dekor elementləri və funksionallıq təsir göstərir.
Yalnız kiçik mebellərdən istifadə
İnteryer dizayneri Bred Remsi bildirir ki, ən geniş yayılmış səhvlərdən biri otaqda yalnız kiçik ölçülü mebellərdən istifadə etməkdir. Onun sözlərinə görə, bütün əşyaların eyni ölçüdə olması interyeri vizual dərinlikdən məhrum edir.
Mütəxəssis əsas mebel elementlərini, məsələn, divanı daha iri seçməyi, onları kreslo və ya puf kimi daha kiçik əşyalarla tamamlamağı tövsiyə edir.
Həddindən artıq iri mebel seçimi
Digər səhv isə otağa uyğun olmayan böyük və ağır görünüşlü mebellərdən istifadədir. Dizayner Aleks Tis kiçik məkanlar üçün daha yüngül görünən mebellərin uyğun olduğunu bildirib.
Onun sözlərinə görə, ayaqlı və ya alt hissəsi açıq olan mebellər məkanı daha geniş göstərir və interyeri vizual olaraq yüngülləşdirir.
Funksionallığın nəzərə alınmaması
Bred Remsi vurğulayır ki, kiçik mənzillərdə hər kvadratmetrdən səmərəli istifadə vacibdir. Yalnız bir funksiyanı yerinə yetirən mebellər əlavə yer tutur və qarışıqlıq yarada bilər.
Dizayner bir neçə məqsədə xidmət edən mebellərə üstünlük verməyi məsləhət görür. Məsələn, masa həm iş, həm yemək, həm də istirahət üçün istifadə oluna bilər. Həmçinin divara bərkidilən rəflər və saxlama bölmələri olan mebellər məkanı daha səmərəli təşkil etməyə kömək edir.
Dekor elementlərinin həddindən artıq çox olması
Aleks Tis kiçik otaqlarda divarların və səthlərin çoxlu dekorativ əşyalarla doldurulmamasını tövsiyə edir. Onun sözlərinə görə, bu, otağı daha sıx və dar göstərir.
Mütəxəssis həm estetik, həm də praktik funksiyaya malik dekor elementlərinin seçilməsini məsləhət görür.
Tünd rənglərdən istifadə
Dizaynerin fikrincə, çox tünd rənglər işığı udduğu üçün otağı daha kiçik və qapalı göstərir.
Bunun əvəzinə açıq tonlardan istifadə məsləhət görülür. Açıq rənglər işığı daha yaxşı əks etdirərək interyerdə genişlik hissi yaradır.
Qeyd edək ki, interyer dizaynında əsas məqsəd yalnız dəbli görünüş yaratmaq deyil, həm də məkanın rahat və funksional təşkilinə nail olmaqdır.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər