Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
İran millisi üçün ABŞ-dan çoxgirişli viza tələb olunur
İran Futbol Federasiyasının prezidenti Mehdi Taj bildirib ki, 2026-cı il Dünya Kubokunda iştirak üçün ABŞ İran millisinin oyunçu və heyətinə çoxgirişli viza verməlidir. Komandanın baza düşərgəsi ABŞ-dan Meksikaya köçürülsə də, vizalar hələ təqdim edilməyib.
Qaynarinfo-nun məlumatına görə, federasiya rəhbəri çərşənbə günü Məşhəddə jurnalistlərə açıqlamasında deyib ki, ABŞ Dünya Kuboku üçün həm oyunçulara, həm də dəstək heyətinə viza verəcək.
"ABŞ bütün oyunçulara çoxgirişli viza verməlidir, çünki onlar ölkəni bir neçə dəfə tərk edib yenidən daxil olacaqlar”, deyə Taj bildirib.
İran millisinin üzvləri hələ ABŞ vizası almayıblar. Komandanın bəzi üzvləri ötən həftə Türkiyədə olduqları müddətdə viza müraciətlərində iştirak ediblər. ABŞ vizası üçün əvvəlcədən müraciət etməyən şəxslər isə səfirlikdə şəxsən sənədlər təqdim ediblər.
Eyni zamanda, komandanın bütün üzvləri Kanada vizası üçün də müraciət edib. İran növbəti mərhələdə Kanadada keçiriləcək oyunlara vəsiqə qazanarsa, həmin vizalar tələb olunacaq.
Qeyd edək ki, ABŞ və İsrailin 28 fevralda İrana qarşı həyata keçirdiyi hücumlar regional gərginliyi artırıb və qarşıdurmaların üç ay davam etməsinə səbəb olub.
Atəşkəsə baxmayaraq, ABŞ çərşənbə günü İranın hərbi obyektlərinə zərbələr endirib. Buna cavab olaraq, İran İslam İnqilabı Keşikçiləri Korpusu regiondakı Amerika hava bazasına hücum etdiyini bildirib.
İran millisi Dünya Kubokunda ilk oyununu 15 iyunda Los-Ancelesdə Yeni Zelandiyaya qarşı keçirəcək. Komanda altı gün sonra Belçika ilə qarşılaşacaq, qrup mərhələsinin son matçını isə 21 iyunda Sietldə Misirə qarşı oynayacaq.
FIFA bazar ertəsi İran millisinin təlim bazasının ABŞ-dan Meksikaya köçürülməsini təsdiqləyib. İran əvvəlcə Arizona ştatının Tuckon şəhərində yerləşən idman kompleksini baza kimi seçmişdi, lakin sonradan dəyişiklik üçün müraciət edib.
FIFA-nın açıqladığı son siyahıya əsasən, İran millisinin yeni baza düşərgəsi Meksikanın Tijuana şəhərində yerləşən Centro Xoloitzcuintle kompleksi olacaq.
Mehdi Taj bildirib ki, Tijuananın ABŞ-Meksika sərhədinə və San Dieqoya yaxın yerləşməsi viza prosedurlarını asanlaşdıra bilər.
"Dünya Kubokunda iştirak edən bütün komandaların baza düşərgələri FIFA tərəfindən təsdiqlənməlidir”, deyə o qeyd edib.
Taj əlavə edib ki, İstanbulda FIFA və Dünya Kuboku rəsmiləri ilə keçirilən görüşlər, həmçinin Tehranda FIFA baş katibi ilə baş tutan onlayn müzakirələrdən sonra baza düşərgəsinin Meksikaya köçürülməsi barədə müraciət qəbul olunub.
ABŞ, Kanada və Meksikanın birgə ev sahibliyi edəcəyi Dünya Kuboku 11 iyun–19 iyul tarixlərində keçiriləcək.
Aydın
Oxşar xəbərlər
"Şamaxı"nın yeni baş məşqçisi açıqlandı
İdman
02.06.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər