Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Kosmetoloq qara nöqtələrin yaranma səbəblərini və müalicə yollarını açıqladı
Qara nöqtələr (komedonlar) bir çox insanın üz dərisində rastlaşdığı ən yayılmış estetik problemlərdən biridir. Kosmetoloqlar bildirirlər ki, bu vəziyyət təkcə vizual qüsur deyil, həm də aknenin ilkin mərhələsi hesab olunur.
Qaynarinfo Gazeta-ya istinadən xəbər verir ki, kosmetoloqlar deyir ki, komedonlar dəridə yağ (sebum) və ölü hüceyrələrin məsamələrdə toplanması nəticəsində yaranır və vaxtında müalicə olunmadıqda iltihablı sızanaqlara keçə bilər.
Komedonların əsas səbəbləri
Kosmetoloq Ulyana Kuzmina qeyd edir ki, qara nöqtələrin əsas səbəbi dəridəki yağ vəzilərinin həddindən artıq fəaliyyəti ilə bağlıdır. Onun sözlərinə görə, bu prosesə təsir edən əlavə faktorlar da mövcuddur:
yüksək glisemik indeksli qidaların (şirniyyat, bəzi süd məhsulları və s.) həddindən artıq qəbulu;
dəriyə düzgün qulluq edilməməsi və aqressiv təmizləmə;
ölü hüceyrələrin toplanması (hiperkeratoz);
hormonal dəyişikliklər;
ağır teksturalı kosmetik vasitələrin istifadəsi.
Mütəxəssis xəbərdarlıq edir ki, dərinin həddindən artıq qurudulması əks effekt yaradır və yağ vəzilərini daha aktiv işləməyə məcbur edir.
Ev şəraitində müalicə və qulluq
Kosmetoloqlar qara nöqtələrlə mübarizədə sistemli və yumşaq dəriyə qulluq tövsiyə edirlər. Effektiv hesab edilən vasitələr arasında:
yumşaq təmizləyici gel və köpüklər;
salisilik turşulu toniklər;
C vitamini və niasinamid tərkibli serumlar;
azelaik turşulu kremlər;
nəmləndirici vasitələr;
SPF qoruyucu kremlər yer alır.
Həmçinin həftəlik qulluqda ferment pilinqləri və təmizləyici maskalar tövsiyə olunur.
Qadağan olunan üsullar
Mütəxəssislər qara nöqtələrin sıxılmasının, sərt skrabların və xalq üsullarının (məsələn, limon suyu və ya qəhvə skrabı) istifadəsinin dərini zədələyə biləcəyini bildirirlər. Bu cür yanaşmalar vəziyyəti daha da ağırlaşdıra və yeni iltihablara səbəb ola bilər.
Tibbi müalicə və peşəkar prosedurlar
Daha ağır hallarda dermatoloq nəzarəti altında müalicə tələb olunur. Effektiv preparatlar arasında retinoidlər xüsusi qeyd edilir. Onlar yağ vəzilərinin fəaliyyətini azaldaraq məsamələrin açılmasına kömək edir.
Bundan əlavə, kosmetoloji klinikalarda aşağıdakı prosedurlar tətbiq olunur:
kimyəvi pilinqlər;
mexaniki üz təmizlənməsi;
HydraFacial;
mezoterapiya;
lazer və fototerapiya prosedurları.
Mütəxəssislərin fikrincə, qara nöqtələrdən tamamilə birdəfəlik xilas olmaq çətin olsa da, düzgün qulluq və kompleks yanaşma ilə uzunmüddətli nəticə əldə etmək mümkündür. Dermatoloqlar vurğulayırlar ki, hər bir halda müalicə fərdi şəkildə seçilməli və nəzarət altında aparılmalıdır.
Günay
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər